Ervin Salianji ka qenë i ftuar në emisionin “Të Paekspozuarit” në MCN TV, ku ka shpjeguar përse ka ndryshuar mendim për Sali Berishën, për të cilin thoshte se nuk duhet të rikthehet në PD.
Salianji tha se shumica nuk mendon si ai dhe këtë gjë e treguan me votë.
Pjesë nga biseda:
Ylli Rakipi: Ju ku jeni tani që ta marrim vesh? Me Berishën apo me Alibeajn?
Ervin Salianji: Unë jam me PD-në. Qëndrimet e mia publike kanë qenë kundër rikthimit të Sali Berishës. Pas datës 6 mars, kemi menduar që realiteti politik ka ndryshuar dhe duhet ta njohim atë. Demokratët edhe një pjesë e shoqërisë, në ato zgjedhje të pjesshme, idetë dhe qëndrimet tona nuk dolën shumicë. Ai që ishte kryetar i PD nuk ishte i pranueshëm.
Kemi mbajtur qëndrim duke njohur këtë realitet, duke njohur edhe Berishën si realitet politik, për të kërkuar një rrugëzgjidhje dhe për të patur një bashkim të PD. Siç e thoni edhe ju, ky është një lloj tifozërie që duhet të jesh ose me njërin ose me tjetrin. Duhet të jemi të gjithë bashkë. Berisha dhe mbështetësit e tij janë shumicë, por kjo nuk mjafton për ta mundur Edi Ramën. PD duhet të mbledhe çdo kontribut dhe të shohë përtej vetes për tu zgjeruar dhe për të qenë serioze në ofertën e vetë politike.Kam negociuar që çështja e Presidentit të Republikës, mes dy palëve, të kemi mbledhje të përbashkët, të zgjidhim dhe të diskutojmë çdo cështje që na ndan. Nuk pati vullnet. Nuk u pranua nga zoti Alibeaj.
Ylli Rakipi: Berisha është apo jo kryetar i PD-së sipas jush?
Ervin Salianji: Kjo nuk varet nga dëshira ime. Është të jesh miop të mos e shohësh. Ai ka shumicën në PD. Por, kjo është e pamjaftueshme për të qenë konkurues ndaj Ramës. Është edhe e pamjaftueshëm që kjo ta bëjë kryetar të PD, nëse nuk bën proces të mirëpranuar. E dëgjoj këtë që pakica ti nënshtrohet shumicës. Nuk mund të ketë tirani të shumicës. A duhet bashkim në PD?
