“Nuk po mendoj për rinovimin, do të qëndroj edhe një vit me siguri”. Mohamed Salah zemëroi tifozët e Liverpool-it, në prag të finales së Champions League ndaj real Madrid.
Negociatat për zgjatjen e kontratës së egjiptianit vazhdojnë, por sipas “The Athletic” duket e vështirë të arrihet një marrëveshje.
Sipas mediave britanike, egjiptiani është aktualisht lojtari më i paguari në skuadrën e “The Reds” së bashku me Virgil van Dijk, me drejtuesit që i kanë ofruar 15 % më shumë se paga aktuale (11 milionë euro) që merr sulmuesi.
Një shifër që megjithatë nuk do ta kënaqte lojtarin dhe kjo me shumë gjasa mund ta detyrojë Salah t’i japi lamtumirën Liverpool pas një viti, por megjithatë sulmuesi nuk do të preferonte të largohej nga Premier League.
