Një aksident i rëndë ka ndodhur në Vlorë, ku një motorr policie ka përplasur një grua në bulevardin e qytetit në zonën e Skelës.
Sipas burimeve paraprake, e plagosura është rreth moshës 38 vjeçe dhe po kalonte në rrugën kryesore në bulevardin Vlorë-Skelë.
Në momentin që ajo ka kaluar rrugën është aksidetuar nga motorri i policisë në të cilin ndodheshin dy efektivë të policisë.
E plagosura është dërguar në spitalin e Vlorës për të marrë ndihmën e mjekëve.
Nga pamjet e ardhura në redaksi dallohet gruaja e shtrirë në tokë dhe dy efektivët të cilët kanë pësuar dëmtime.
Vlorë/ Informacion paraprak
Më datë 31.05.2022, rreth orës 17:05, në Bulevardin kryesor, shtetasi E. Sh., punonjës policie, duke patrulluar në sektorin e shërbimit me motomjet, ka aksidentuar këmbësoren shtetasen J. M., 38 vjeçe, banuese në Vlorë.
Si pasojë është dëmtuar shtetasja J. M., si dhe pasagjeri në motomjet shtetasi K.M.,(punonjës policie), të cilët ndodhen në spitalin Rajonal Vlorë, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit.
