Me 192 vota, Belind Këlliçi rezultoi më i votuari në listën e kandidatëve për anëtar të Kryesisë së Partisë Demokratike.
Në një lidhje me Skye në Syri TV, nga Rotterdami, ku po merr pjesë në punimet e Samitit të PPE, Belind Këlliçi tha se PD tashmë është kompakte dhe ajo që kërkojnë demokratët është të nisë puna për rikthimin e Partisë Demokratike në pushtet.
“Është përgjegjësi shumë e madhe, ndjenjë e veccantë, jam mirënjohës për anëtarët e Këshillit Kombëtar. Vij si produkt i parimit një antar, një votë. Jam produkt i garës në PD. Nuk e fsheh kënaqësinë që më kanë besuar demokratët. E shoh si barrë nga ata për të ulur kokën dhe për të punuar për të rikthyer PD-në në pushtet. PD ka sot ekip kompakt ku ndërthuret e reja, qëndrestarët, ata që nuk e braktisën kurrë PD-në“, tha Këlliçi
Një Kryesi pa grupin Basha…
Belind Këlliçi: Janë ftuar që të gjithë. Por ata e dinë si i kanë llogaritë me bazën e PD, e dinë ata si e kanë mbështjen në bazë. Unë do të doja të kishte më shumë emra si zonja Zhupa, por sigurisht nuk kanë pranuar një pjesë a tyre që prej 9 muajsh i kanë likuiduar hesapet me PD.
A do të garojë Këlliçi në 3 qershor?
Belind Këlliçi: Nuk kam shprehur për të garuar për asnjë institucion. Në këtë moment që flasim nuk kam shpallur ambicien apo kandidaturën.
