Ermal Kasa, 31 vjeç ka dhënë dëshmi në Policinë e Vlorës, pasi sot në mëngjes, automjeti i tij tip “Audi” ka shpërthyer nga një lëndë plasëse.
Ngjarja ka ndodhur në lagjen “Pavarësia” të qytetit bregdetar. Kasa ka thënë se nuk ka konflikt me persona të tjerë.
Ai është arrestuar më herët në Itali, pasi u kap me mbi 700 kilogramë kanabis.
Kasa është nga Elbasani, por se prej kohësh jeton në Vlorë, pasi punon ekonomist në qytetin jugor.
Mjeti i tij ka shpërthyer rreth orës 03:00 të mëngjesit të sotëm dhe si pasojë ka pasur vetëm dëme materiale.
Makina është dëmtuar më së shumti në pjesën e përparme. Nuk dihen motivet e ndodhisë, e policia po heton.
