Deputeti demokrat Tritan Shehu, një nga emrat që mbeti jashtë Kryesisë së re të PD, pasi nuk arriti të merrte numrin e nevojshëm të votave në Këshillin Kombëtar, shprehet se vendimi i pritshëm i Gjykatës së Apelit lidhur me këtë parti nuk ka asnjë rëndësi.
Shehu shprehet i bindur se në njv parti, në rastin konkret PD, duhet të respektohet vullneti i demokratëve.
“Gjykata nuk mund të bëj një veprim të tillë që do ishte veprim që shkatërron establishmentin e drejtësisë shqiptare dhe krim ndaj saj, i cili do të kishte një çmim shumë të gjerë si për ata që e bëjnë, por edhe më gjerë. Nuk është gjykata që vendos se kush është Partia Demokratike”, tha Shehu.
Elona Toro, Edlira Petri dhe Genti Shala janë tre gjyqtarët që do të vendosin në shkallën e Apelit nëse do të njohin statutin e dorëzuar nga Rithemelimi apo atë të depozituar nga Alibeaj.
