Personi në foto është Qëndrim Januzi, 30-vjeçari i cili vrau me armë zjarri një person në Ferizaj. 30 vjeçari dyshohet se ka vrarë mbrëmë një person po ashtu 30 vjeçar me inicialet G.H. në rrugën “Rexhep Bislimi” rreth orës 00:53.
Januzi është edhe vëllai i këngëtarit nga Ferizaj, Betim Januzi i njohur si Buta.
Sipas policisë i dyshuari për vrasjen është plagosur nga zyrtarët policorë pasi me pistoletën e tij iu është kthyer policëve që kanë arritur në vendin e ngjarjes dhe ka refuzuar urdhërat. I dyshuari është dërguar menjëherë në Qendrën e Mjekësisë Familjare në Ferizaj dhe më pas për mjekim në QKUK. Gjendja e tij është stabile dhe jashtë rrezikut për jetë.
