Zbardhet lista me emrat e 47 kandidatëve që do t’i nënshtrohen nesër garës për të qenë pjesë e kryesisë së partisë Demokratike.
Në orën 11:00 të ditës së nesërme kryetari Sali Berisha i dalë nga zgjedhjet e 22 majit ka thirrur Këshillin Kombëtar. Një mbledhje që gjen sërish të ndarë partinë në dy pjesë.
Kemi nga njëra anë kryetarin Enkelejd Alibeaj që mban edhe vulën edhe zyrën, por edhe Sali Berishën që nuk e njeh Alibeajn.
Në listën me 47 emra janë emrat e atyre që ishin larguar nga Lulzim Basha pas dorëheqjes së Berishës në vitin 2013 si dhe ata që e kanë mbështetur Berishën me nismën e tij që nga shtatori I vitit të kaluar.
Janë Bujar Nishani, Jozefina Topalli, Ivi Kaso, Bujar Himi, Oerd Bylykbashi, Klevis Balliu, Agron Shehaj etj.
Me ketë listë duket se janë përjashtuar të gjithë ata që mbështesin Bashën dhe janë në krahë të Alibeajt.
