Deputeti demokrat Agron Gjekmarkaj tha në emisionin Top Story se Edi Rama vendosi të mos kandidonte asnjë emër nga Grupi Parlamentar socialist për President pasi ka frikën e çarjes së grupit.
Gjekmarkaj tha se do të ishte i gatshëm që të votonte Ismail Kadarenë apo Aurel Plasarin, edhe nëse këto emra propozoheshin nga PS, por ajo do të ndodhi është se Rama do të propozojë një emër, gjoja nga shoqëria civile, për të na treguar se nuk ka lidhje me Partinë Socialiste.
“Ajo që unë mendoj se duhet të ndodhë është që President duhet një figurë, një emër me peshë. Pse nuk merr Rama përgjegjësinë për të marrë edhe Presidencën, dhe pastaj ta gjykojnë shqiptarët, pasi do kenë edhe Presidentin, edhe policin, edhe tatimorin, pra do i ketë të gjitha pushtetet”, tha Gjekmarkaj.
