Khloe Kardashian është shprehur se ndihet mjaft e ofenduar që njerëzit shprehen se ajo ka kryer 12 ndërhyrje në fytyrën e saj. Ylli i reality show “Keeping Up With The Kardashians”, 37 vjeç, ka thënë se ajo u tregua mjaft e sinqertë kur tha se ka bërë një ndërhyrje më herët në hundë. Më tej, ajo shton se nuk ka bërë asnjë operacion tjetër.
“Më shqetësonte kur njerëzit thonin se kam bërë 12 ndërhyrje në fytyrë. Dukej sikur thoshin, ‘Kjo është e çmendur’”, i tha Kardashian prezantueses Amanda Hirsch në podcastin e saj “Not Skinny But Not Fat” të martën.
“Nuk më shqetësoi. Më ofendoi. Unë thjesht nuk mund të kuptoj se pse njerëzit mendonin kështu. Kam bërë një operacion të hundës që unë e kam dashur që në fillim. Dëshiroj që të gjithë ta dinë… Nuk më intereson të gënjej për këtë”, shtoi ajo.
Ylli i “Keeping Up With the Kardashians” gjithashtu vuri në dukje se ajo merr më shumë kritika në internet sesa motrat e saj. Megjithëse, nga ana tjetër Khloé tha se i pranon kritikat që merr, por ende nuk e di arsyen se pse ajo urrehet më shumë se Kim apo Kourtney.
