Ish-kryeministri Sali Berisha, i cili në shtator filloi një lëvizje për rithemelimin e Partisë Demokratike, premtoi se opozita do të ishte e hapur për personalitete të reja. Por pse nuk ka ndodhur kjo?
I ftuar në emisionin “Bardh a Zi” në Abc, deputeti Edi Paloka shpjegoi se çfarë do të ndodhë tani me opozitën. Ai u shpreh se personat e rinj që janë përfshirë në politikë janë “monstra”, prandaj nuk është kusht që dikush i ri të jetë më i pastër dhe më i mirë në politikë.
“Akoma nuk mbaroi procesi. Ne tani filluam, sapo mbyllëm një proces që na konsolidoi si parti. Ai ishte problemi kryesor.
Tani do fillojmë me gjithë këtë. Të gjithë jemi koshientë, nga Berisha i pari, që në këto kushte ne nuk fitojmë me Ramën. Nuk është kaq e thjeshtë, është i ri dhe ky duhet të jetë. Jo. Për fat të keq ata që kanë hyrë si të rinj në politikë sot janë më monstrat. Nuk është kusht që je më i ri dhe je më i pastër e më i miri. Eksperienca është vlerë, vlerësohet karriera në botë. Hajde më rrëzo me votë. Në demokraci është vota”, tha ai.
