Presidenti Ilir Meta ka folur pas konferencës të mbajtur në Tiranë kundër trafikimit të qenieve njerëzore.
Në këtë konferencë e pranishme ishte edhe ambasadorja amerikane Yuri Kim, me të cilën kreu i shtetit ka shtrënguar duart, duke bërë kështu që mes tyre të “shkrihen akujt”.
Met foli edhe për këtë shtrëngim të duarve me Kim, duke thënë se nuk ka asnjë problem në këtë drejtim.
Meta: Asnjë problem në këtë drejtim, përveç forcimit të mëtejshëm të bashkëpunimit, jo vetëm kundër trafikimit të qenieve njerëzore, edhe për shkak të largimit jashtë vendit edhe të fëmijëve të pashoqëruar nga prindërit, të cilët bien shpesh pre e trafikantëve ndërkombëtarë.
Një pasojë e madhe për shkatërrimin e familjes, dhe shteron energjinë e vendit, lufta kundër trafikut duhet të jetë një prioritet, qoftë për qeverinë, qoftë për opozitën dhe parlamentin. Trafikimi është një krim ndërkombëtar, dhe nuk mund të ballafaqohet veçse me bashkëpunim mes shteteve dhe organizatave ndërkombëtare.
