Pavarësisht se në orët e pasdites së sotme paraqitet një situatë e qetë dhe pa përplasje mes tifozëve të Fezenoord dhe atyre të Romës, frika më e madhe është se çfarë do të ndodhë pas ndeshjes.
Gjithsesi tifozët janë shpërndarë në zona të ndryshme, larg shumë njëra tjetrës, ndërsa forca të shumta policore patrullojnë rrugët në kryeqytetin shqiptar.
Por nuk mungojnë provokimet në distancë, veçanërisht nga tifozët holandezë, që mbajnë bluza me mbishkrimin: “Kiss my AS (s) Roma”.
Mediat italiane kanë paralajmëruar se mes tifozëve të Romës janë infiltruar edhe tifozë të ekipeve turke dhe greke, të cilët njihen për përplasjet me ultrasit e Roterdamit.
Gjithashtu ka pasur paralajmërime për ultras që janë armatosur me thika, edhe pse incidentet e regjistruara deri më tani nga përplasjet kryesisht me policinë nuk kanë qenë të rënda.
