Një 37-vjeçare shqiptare u godit me thikë ditën e sotme në Vittoria, në zonën ndërmjet rrugës Adua dhe rrugës Tenente Alessandrello.
Viktima është identifikuar si Bruna Muca Hella, ndërsa krimi ka ndodhur pak para mesditës.
Gruaja me origjinë shqiptare është sulmuar me thikë teksa ndodhej para shkollës së djalit të saj.
Kur ambulanca mbërriti në vendngjarje, ajo kishte ndërruar jetë.
Vijojnë hetimet për rindërtimin e dinamikës së ngjarjes ndërsa nuk është identifikuar autori.
Ka dyshimet se gruaja shqiptare është vrarë nga bashkëshorti i saj në rrethana të paqarta, shkruajnë mediat italiane.
