Partia Demokratike do të mbledhë Këshillin Kombëtar të PD-së ditën e shtunë, 28 maj.
Në mbledhjen e Këshillit Kombëtar, e dyta pas asaj të konstituimit ku u votua edhe për drejtuesin e këtij forumi, pritet të zgjidhet Kryesia e PDSH, por edhe nënkryetarët dhe sekretariati i kësaj partie.
“Pas përfundimit të procesit zgjedhor për Kryetarin e PD, ditën e shtunë, me datë 28 maj 2022, ora 11.00, në selinë qëndrore të PD, do të mblidhet Këshilli Kombetar i PD.
Në rend të ditës së punimeve është zgjedhja e Kryesisë së PD dhe pika të tjera që lidhen me organizimin dhe drejtimin e PD”, thuhet në një njoftim zyrtar të kreut të Këshillit Kombëtar të PD, Edi Paloka.
