Një efektiv policie, Çaush Saliasi 55 vjeç, u ekzekutua brenda komisariatit nr 3 në Tiranë, ndërsa autori është Ludian Zaimi, 25 vjeç, i arrestuar nga policia.
U raportua se autori ka qëlluar disa herë ndaj viktimës, i cili humbi jetën në spitalin e Traumës, për shkak të plagëve të marra.
Nga të dhënat e para, mësohet se Zaimi, i cili shërbente në strukturën policore prej rreth 1 viti, ka thënë para grupit hetimor se viktima e ka ngacmuar me fjalë dhe të gjitha këto i kishte akumuluar.
Saliasi ishte pjesë e Policisë së Shtetit prej 20 vitesh, ndërsa si viktima edhe autori ishin pjesë e Patrullës së Përgjithshme.
