Rizgjedhja e ish-kryeministrit Sali Berisha në krye të PD-së shihet në këndvështrime të ndryshme nga deputetët demokratë apo funksionarë të kësaj partie.
Deputeti i PD-së Ferdinand Xhaferaj në emisionin Open në News24, deklaroi se nuk kishte garë, ndërsa shtoi se pas këtyre zgjedhjeve PD nuk është as më e hapur dhe as më e bashkuar. Ai theksoi ndër të tjera se dje kishte probleme në zgjedhje në Durrës.
Por Arben Ristani, anëtar i Komisionit të Rithemelimit, shprehet se dje në PD pati zgjedhje, ishte kulmi i një gare, që nisi me Kuvendin e 11 dhjetorit, i cili përcaktoi edhe rrugën ku duhej të ecte PD.
Debati
Xhaferaj: Unë e kam pasur Berishën në fushatë, kemi bashkëpunuar. Pas kësaj zgjedhje nuk jemi as më të hapur, as më të bashkuar. Kishim një garë pa garë.
Ristani: Ti urojmë zotit Berisha punë të mbarë dhe suksese si kryetar i PD. Dje u bënë zgjedhjet. Gara vjen si pasojë e një procesi që kulmoi me zgjedhjen e kryetarit. Nisi me kuvendin e 11 dhjetorit ku u përcaktua rruga ku duhet të ecte PD-ja, ku u theksuan një sërë parimesh. Flitet nëse PD është e bashkuar apo jo. Është e bashkuar, më mirë se kurrë në këto 9 vitet e fundit. Fakti që një numër i deputetëve nuk i janë bashkuar, partia nuk janë deputetët, por masa e anëtarësisë së saj. Anëtarësia është më e bashkuar dhe konsistente. Shifrat që morën pjesë në votimin në zgjedhjet e PD, është një numër i konsoliduar prej 40 mijë anëtarësh. Zgjedhjet kanë qenë të hapura, ju keni pamjet. Në çdo degë ku janë zhvilluar zgjedhjet ku jemi pamje. PD është institucion. Zoti Bozdo është pjesë e procesit, di detajet. Kjo nuk e bën opozitën e pabashkuar, pasi është e bashkuar dhe më e fortë. Kemi një opozitë që nuk shet kandidaturat për pushtetin lokal. Kemi ndërtuar bazën për të qenë të hapur. askush nuk pengoi askënd që të garojë. nëse për ta ka qenë e pamundur që të mundnin szotin Berisha, dhe janë tërhequr, puna është e tyre. Kjo nuk e bën se gara ka pasur pengesë. Edhe zoti Xhaferaj donte të garonte, ta bënte.
Xhaferraj: Konkurroi pa garë se partia është berishiste. E lamë deri këtu se u zgjodh kryetari i partisë berishiste.
Ristani: Për ça rregullash e ke fjalën?
Xhaferaj: Për çfarë rregullash më flet? Unë dëgjova që tha para një muaj që tha; e garantoj kandidatin që do respektohen rregullat. Kjo na bën me turp të gjitha. Dëgjova dje kryetaren e PD Sarandë që tha; kandidati tjetër nuk ka përfaqësues, dhe është përfaqësuesi i Berishës që do të mbrojë ato vota. Unë këto o vëlla nuk i përtyp dot.
