Hyrja për në Tiranë dhe qarkullimi i automjeteve brenda kryeqytetit do jetë e bllokuar të Mërkurën, kur në Air Albania do të luhet finalja e Conference League. Përjashtim tha ai, bëjnë ata që shkojnë në punë. Ministri sqaroi se ata që duan të dalin nga Tirana, do t’ju mundësohet një gjë e tillë përmes korridoreve të daljes.
Ministri i Brendshëm Bledi Çuçi në një deklaratë për mediat, u bëri thirrje qytetarëve nga rrethet të shmangin kryeqytetin të mërkurën.
“Në Tiranë mos hajdeni nëse s’keni biletë sepse do jetë e bllokuar, do qarkullojnë ata që kanë një biletë si dhe tiranasit në zonë pedonale. Prandaj i dekurajoj që të mos vijnë në kryeqytet ditën e mërkurë, sepse do të jetë në dispozicion të miqve nga Roma dhe Roterdami”, tha Ccucci.
Ai u bëri apel bizneseve të caktuara të konsiderojnë që të Mërkurën ta bëjnë pushim.
“Bizneset që s’kanë lidhje me finalen, si bankat apo zyra të ndryshme private siç kemi bërë me institucionet shtetërore e shkollat në tiranë, edhe ata ta bëjnë pushim”, tha ai.
