Deputetja socialiste Pranvera Resulaj, e ftuar në “Fax News”, theksoi se prishja e negociatave është një alibi e PD-së që po përdore për të justifikuar problemet dhe përçaren e opozitës.
“Opozita do të gjejë një kundërpërgjigje për veprimet e veta të paorganizuara. Ne e dimë me situatën që ndodhet PD dhe nuk çuditet askush nga veprimet e pakontrolluara të saj. Balla është i mandatar nga grupi parlamentar ashtu si dy kolegët e tij për të drejtuar procesin e koordinimit të veprimeve me opozitën për zgjedhjen e presidentit i cili deri tani nga PS ka ecur në rrugën që dikton Kushtetuta. Veprime të pakontrolluara dhe të çoroditura të opozitës nuk mund të jenë faturë për PS dhe për mazhorancën e cila po respekton Kushtetutën duke ndjekur procesin”, tha ajo.
Lidhur me emrat që ka propozuar Alibeaj dhe deputetë të tij mbështetës si kandidat për President, Resulaj theksoi se nuk është mazhoranca që pranon emrat, por këtu është një procedurë që Kushtetuta parashikon që opozita të propozojnë emrat që do të vinin deri ditën e diel së bashku me firmat, kjo ishte ajo që parashikonte procesi.
