Moderatorja Luana Vjollca ka rrëfyer në projektin e saj “Thuaje” problemet që ka pasur me “fansat e saj të fiksuar”. Ajo ka treguar se 5 fansa të fiksuar pas saj i kanë krijuar trauma dhe ka pasur 5 raste të tilla në 15 vjet.
”Fansat për mua janë gjëja më e shtrenjtë, të japin dashuri pa kushte. Nuk do t’i quaja fansa këta njerëz që mua më kanë krijuar një lloj traume, që unë të dal gjithnjë e shoqëruar nga një person që më mbron. Sepse jam e frikësuar. E frikësuar sepse kam pasur 5 raste në 15 vite.
Njëri nuk është bërë mediatikisht i njohur sepse askush se ka parë, por mua më ka lënë një shenjë, një plagë sepse ishte përtej asaj që një fans do të bënte. Unë e falënderoj Zotin që atë natë s’ka ndodhur asgjë, por ka qenë e mjaftueshme që mua të më krijohet kjo traumë nga njerëz që më përndjekin”, rrëfeu moderatorja e njohur.
