Kryeministri i Britanisë së Madhe Boris Johnson zhvilloi një telefonatë me presidentin ukrainas Volodymyr Zelensky për të diskutuar mbi hapjen e rrugëve për furnizimin me eksportet e grurit, pasi pushtimi rus shkaktoi ndërprerjen e furnizimeve, duke ulur shpërndarjen globale dhe shkaktoi rritjen e çmimin.
Ky diskutim vjen pasi OKB-ja paralajmëroi se pushtimi rus i Ukrainës së shpejti mund të shkaktojë një krizë globale ushqimore që mund të zgjasë me vite.
Në një postim në Tëitter, Johnson fajësoi “bllokimin e pamatur të porteve të Detit të Zi” të Presidentit rus Vladimir Putin për shkaktimin e dëmit ekonomik global.
Zelensky tha se dyshja diskutuan gjithashtu “operacionin për të shpëtuar ushtrinë nga Azovstal” dhe “mënyrat për të eksportuar produkte bujqësore” dhe për të importuar karburant në Ukrainë.
Ndërkohë, ministri i Jashtëm i Ukrainës, Dmytro Kuleba, tha gjithashtu se ai foli me homologen e tij britanike, Liz Truss, rreth mënyrës sesi “të mbajë Rusinë përgjegjëse për agresionin e saj dhe të zhbllokojë eksportet e ushqimit të Ukrainës”.
“Rusia mban përgjegjësi të plotë jo vetëm për vrasjen, torturimin dhe përdhunimin e ukrainasve, por edhe për njerëzit e uritur në mbarë botën, duke përfshirë Afrikën”, tha Kuleba në një postim në Tëitter.
