Arben Mërkuri, i ekzekutuar mbrëmjen e sotme në Sukth të Durrësit, mban edhe mbiemrin Ismaili dhe njihet si person me precedentë të theksuar kriminalë në qytetin ku jetonte.
Sipas dëshmitarëve të rastit, autorët kanë qenë dy persona të cilët u larguan me një benz “GLE” ngjyrë gri menjëherë pasi qëlluan me breshëri ndaj 48 vjeçarit, i cili ndërroi jetë në spital pas dy plumbave të marrë.
Pista kryesore e hetimeve mësohet se mund të jetë prishja e pazareve të drogës dhe përplasja mes grupeve kriminale të qytetit të Durrësit.
Nga raportimet mësohet se janë shoqëruar në komisariat, disa persona të cilët ishin dëshmitarë gjatë momentit kur u ekzekutua 48 vjeçari, Arben Mërkuri (Ismaili).
