Në 17 majin e dy viteve më parë, në kulmin e pandemisë së Covid-19, me qindra forca speciale të Policisë së Shtetit sulmuan godinën e Teatrit Kombëtar ku ndodheshin një grup qytetarësh në mbrojtje të godinës, ndërsa fadromat e Erion Veliajt rrafshuan ndërtesën.
Teatri u shndërrua në gërmadhë, ndërsa sot aty nuk ka më asnjë gjurmë, as inertesh.
Por edhe pse kanë kaluar 2 vjet, ende nuk ka asnjë shenjë nga teatri i ri, i shumë premtuar nga Edi Rama dhe Erion Veliaj.
Gazetari i njohur Lutfi Dervishi ironizon në rrjetet sociale, duke publikuar fotot e projektit të Teatrit të Ri, i cili siç duket për një kohë të gjatë do të mbetet në letër, dhe shkruan:
“Godina e Teatrit u shemb 2 vjet më parë, por shiheni sa i bukur është Teatri i ri! Fjala e dhënë, fjala e mbajtur!
#SkaKohePerPushim”, ironizon Dervishi në një postim në rrjetet sociale.
