Ish-Kryeministri Sali Berisha dhe Ibsen Elezi vijojnë takimet me anëtarësinë e PD-së për garën e 22 majit, ku demokratët do të votojnë kreun e kësaj partie.
Ditën e mërkurë, Elezi do të ketë 3 takime, ndërsa Berisha një takim. Elezi do të nisë serinë e takimeve me LDG, për të vijuar më pas në Durrës dhe Elbasan. Ndërsa ish-Kryeministri do të takohet me demokratët e Beratit.
Njoftimi
Komisioni i Organizimit dhe Kontrollit të Operacioneve Elektorale, njofton se turi i takimeve të kandidatëve për Kryetar të PD vijon:
Ora 11.00 – Z. Ibsen Elezi takim me anëtare të LDGSH
Ora 18.00 – z. Ibsen Elezi takim me anëtarë dhe simpatizantë të PD në Durrës
Ora 20.00 – z. Ibsen Elezi takim me anëtarë dhe simpatizantë të PD në Elbasan
Ora 18.00 – z. Sali Berisha takim me anëtarë dhe simpatizantë të PD në Berat
Komisioni ka marrë menjëherë masat për njoftimin e degëve përkatëse në lidhje me kalendarin e takimeve.
Komisioni fton të gjithë anëtarët e Partisë Demokratike të bëhen pjesë e fushatës për zgjedhjen e Kryetarit të PD që do të finalizohet në votimin e datës 22 maj 2022.
