Kreu i Grupit Parlamentar të PS-së Taulant Balla, në deklaratë për mediat, tha se nesër nisin negociatat për presidentin.
Balla theksoi se opozita nesër duhet që të sjellë propozime konkrete.
Balla: Jemi dakordësuar për të vazhduar bisedën në konferencën e kryetarëve. Shpresoj që nga ana e PD të ketë fleksibilitet dhe gatishmëri për konsensus. Pra të ketë një dokument të paraqitur nga ana e tyre, dhe të diskutohet, por nga ana tjetër të drejtën e propozimit nga të gjitha palët. Është diçka e mire që ne e kemi mundësi që të bisedojmë.
Kam propozuar që të takohemi në orën 18:00 dhe kemi qenë të dy të përpiktë. Së bashku me mua ishte dhe Spiropali, Alibeaj e Pampuri. Alibeaj ka kërkuar që negocimi të zhvillohet në praninë e medias. Besoj se nëse ka pak gatishmëri për t’u përfshirë seriozisht në proces, besoj se mund të kemi ecuri në proces. Opozita të vijë me propozime konkrete.
