Deputeti Enkelejd Alibeaj, i cili vijon negociatat me Taulant Ballën për Presidentin r ri, edhe pse nuk ka mbështetjen e Komisionit të Rithemelimit, shprehet se çdo diskutim për Kreun e Shtetit, duhet të bëhet publik në media.
Alibeaj tha se besonte se vetëm transparenca është ilaci më i mirë kundrejt çdo lloj pazari që të gjithë e duan.
“Nesër në orën 10:00 jeni të ftuar për të parë diskutimet dhe ne do të mbajmë qëndrimin tonë. Platforma jonë është e logjikshme dhe i shërben interesit publik, një proces që të jetë në shërbim të shqiptarëve. Të ketë një proces parlemtar që të aspirojë shqiptarët”, tha Alibeaj.
Sipas tij, nesër salla është e hapur për këdo që do të diskutojë në sy të publikut, edhe Fatmir Mediu dhe Mesila Doda kanë të drejtën e tyre për të diskutuar në sytë e publikut për atë.
