Kuvendi është mbledhur në seancë plenare për të konsumuar raundin e parë të votimit për Presidentin e ri të Republikës, ndërsa nuk ka një kandidat.
Seanca e sotme është formale dhe konsiderohet se djegia e raundit të parë, nga 5 të tilla që parashikon Kushtetuta për zgjedhjen e Presidentit.
Në 3 raundet e para, Presidenti zgjidhet me 84 vota, ndërsa në dy raundet e fundit mjaftojnë 71 vota.
Klotilda Bushka lexoi para Kuvendit raportin, ku tha se votimi quhet i kryer edhe kur nuk ka kandidatë, duke përmbyllur kështu raundin e parë të zgjedhjes pa kandidatë.
Tashmë pritet që Konferenca e Kryetarëve të përcaktojë datën për raundin e dytë, i cili nuk mund të mbahet përtej afatit 7 ditor nga dita e sotme.
PS preferon datën 20 maj për zhvillimin e raundit të dytë, ndërsa PD kërkon diferencën prej 7 ditësh mes raundeve që duhet të mbahen për shkak se ende nuk kanë asnjë emër të propozuar dhe gjithashtu theksohet nevoja për më shumë kohë në konsultimet.
