Kryetarja e LSI-së, Monika Kryemadhi ka publikuar në profilin e saj në “Facebook” një foto, që thotë se është shkrepur në vendin ku është inceneratori i Tiranës, ndërsa aty është ngritur një serë.
Sipas Kryemadhit, “ora po afron” për “pronarët e inceneratorëve, që po rrojnë me shpresën se do t’i shpëtojnë drejtësisë, duke fituar azil në Vjenë të Austrisë”.
Ndërkohë në përgjigje të deklaratave të bëra sot nga kryeministri për evazionin fiskal, kryetarja e LSI thotë se “le të merret me evazionin fiskal të inceneratorit të Tiranës, ku firma me dy punojës kanë faturuar tek firmat e skemës së koncesionit korrupitv vlera deri në 9 milion dollarë”.
Postimi i Kryemadhit:
Me këtë foto të serave mbi inceneratorin e Tiranës, financuar nga fondet e BE, po përshëndes grupin e Vjenës dhe pronarët e inceneratorëve, që po rrojnë me shpresën se do t’i shpëtojnë drejtësisë, duke fituar azil në Vjenë të Austrisë. Tik-Tak, ora po afron.
P.S: Kryeministri që ulëret për evazionin fiskal, le të merret me evazionin fiskal të inceneratorit të Tiranës, ku firma me dy punojës kanë faturuar tek firmat e skemës së koncesionit korrupitv vlera deri në 9 milion dollarë.
Të shohi KM krimin shtetëror të kolegëve dhe miqve të tij, pastaj të merret me rrogat minimale të qytetarëve shqiptarëve.
