Një tjetër aksident ka ndodhur pasditen e sotme në Lezhë, pas atij ku humbi jetën një punonjës i policisë së Burgut të Shën Kollit.
Aksidenti ka ndodhur në aksin rrugor Lezhë-Milot, ku duket se një parakalim i gabuar ka qenë shkaku i përplasjes së një mjeti tip “Benz” me bordurën e urës.
Si pasojë e këtij aksident ka mbetur i plagosur çifti që udhëtonte me këtë makinë.
Menjëherë ata janë transportuar drejt spitalit Rajonal të Lezhës. Të plagosurit janë jashtë rrezikut për jetën.
Ngjarja ndodhi rreth orës 17:00 të pasdites të sotme.
Ndërkohë në aksin Lezhë-Shënkoll, një polic i burgut të Shënkollit humbi jetën pas një aksidenti me motor.
Ngjarja ndodhi rreth orës 16:30.
Pashk Deliaj, 40 vjeç humbi kontrollin e motorit dhe u përplas me shtyllën. Ai nuk mundi t’i shpëtonte plagëve dhe ndërroi jetë.
