Ardian Barollin 47-vjeç, banues në fshatin Kapshticë, Devollë është shpallur në kërkim pasi kishte ngacmuar një vajzë të mitur. Barollin, u demaskua nga emisioni “Piranjat” si pedofil pasi i kishte kërkuar marrëdhënie seksuale një të miturës, vetëm 14 vjeçe. Policia ka bërë me dije se ai akuzohet për veprat penale “Vepra të turpshme” dhe “Ngacmimi seksual”.
Njoftimi i Policisë Devoll
“Specialistët për Hetimin e Krimeve në Komisariatin e Policisë Devoll referuan materialet në Prokurori dhe bënë shpalljen në kërkim për veprat penale “Vepra të turpshme” dhe “Ngacmimi seksual”, të shtetasit A. B., 47 vjeç, banues në fshatin Kapshticë, Devoll. Procedimi ndaj këtij shtetasi filloi pas transmetimit të pamjeve filmike të publikuara në emisionin “Piranjat” në ABC Neës Albania, si pasojë e të cilave dyshohet se 47-vjeçari ka ngacmuar seksualisht një shtetase dhe ka kryer vepra të turpshme ndaj saj. Nga ana e Policisë po punohet për kapjen e tij”
