Një ngjarje e rëndë ka ndodhur pasditen e sotme në dalje të Pogradecit. Nga raportimet mësohet se 45-vjeçari me inicialet S. L., nga fshati Vërdovë duke udhëtuar me biçikletë, ka humbur ekuilibrin dhe ka rënë në tokë, ku humbi jetën
Policia Pogradec/ Informacion paraprak
Më datë 15.05.2022, rreth orës 19:00, jemi njoftuar se në dalje të qytetit të Pogradecit, tek vendi i quajtur ‘Tuneli’, shtetasi S. L., rreth 45 vjeç, banues në fshatin Vërdovë, Pogradec, duke drejtuar një biçikletë, është rrëzuar në rrugë dhe për pasojë ka gjetur vdekjen.
Nga të dhënat e para, dyshohet se ky shtetas mund të ketë ndërruar jetë për shkaqe natyrale, pasi vuante nga disa sëmundje.
Grupi hetimor po punon për sqarimin e rrethanave të ngjarjes dhe për përcaktimin e shkakut të vdekjes.
