Zbardhen të tjera detaje nga atentati i ndodhur mbrëmjen e së shtunës në Lezhë, ndaj Blerim Preçit.
Nga raportimet mësohet se autorët e dyshuar të ngjarjes lëviznin me një makinë “Audi”.
Raportohet se automjeti i tyre i është afruar makinës së të riut nga Miloti duke dalë paralel dhe më pas kanë hapur zjarr ndaj tij.
Sapo ka dëgjuar të shtënat Blerim Preçi është hedhur nga makina në lëvizje e sipër. Makina ka vijuar të ecë dhe ka dalë jashtë rruge pas disa metrash.
Ngjarja ndodhi rreth orës 20:05, në Ishull Lezhë. Blerim Preçi ndodhej në automjet me kushëririn e tij kur u qëllua me armë zjarri në drejtim të mjetit të tyre.
