Komisioni i Organizimit dhe Kontrollit të Operacioneve Elektorale në PD njofton se në mbledhjen e sotme është diskutuar kalendari i takimeve të kandidatëve për kreun e Partisë Demokratike, Sali Berishës dhe Ibsen Elezi.
Në një njoftim bëhet me dije se turi i takimeve fillon sot:
E premte, dt 13 maj 2022
Ora 17.00 – Z. Sali Berisha takim me anëtarë dhe simpatizantë të PD në Elbasan.
E shtunë, dt 14 maj 2022
Ora 10.00 – Z. Ibsen Elezi takim me anëtarë dhe simpatizantë të PD në Kukës
Ora 11.30 – z. Ibsen Elezi takim me anëtarë dhe simpatizantë të PD në Has.
Ora 18.00 – z. Sali Berisha takim me anëtarë dhe simpatizantë të PD në Fier.
Komisioni bën me dije se ka njoftuar menjëherë degët përkatëse në lidhje me kalendarin e takimeve. Komisioni fton të gjithë anëtarët e Partisë Demokratike të bëhen pjesë e fushatës për zgjedhjen e Kryetarit të PD që do të finalizohet në votimin e datës 22 maj 2022.
