Një aeroplan kinez i Tibet Airlines mori flakë në Aeroportin Ndërkombëtar Chongqing (në jugperëndim). 113 pasagjerët dhe nëntë anëtarët e ekuipazhit u evakuuan nga avioni dhe janë “të sigurt”, sipas linjës ajrore. Rreth 40 persona pësuan lëndime të lehta.
Ata u dërguan në spital dhe janë jashtë rrezikut për jetën. Avioni ishte planifikuar të kryente një fluturim të brendshëm nga Chongqing në Ningxi, në Rajonin Autonom të Tibetit (në jugperëndim), mirëpo aksidenti ndodhi rreth orës 08:19.
“Gjatë fazës së ngritjes, ekuipazhi vuri re një anomali dhe ndaloi procesin. Aeroplani doli nga pista”, tha Tibet Airlines në një deklaratë për shtyp, duke shtuar se “avioni u dëmtua nga zjarri”.
Ky është aksidenti i dytë avioni në Kinë në më pak se dy muaj. Përplasja e një avioni Boeing 737-800 më 21 mars në zonën e Guangxi (në jug) mori jetën e 132 personave në bord.
