Kryebashkiaku i Tiranës, Erion Veliaj ka komentuar fjalët se Presidenti në ikje, Ilir Meta, mund të kandidojë për Kryetar Bashkie në zgjedhjet e ardhshme lokale, ku mendohet se do të “kërkojë” të marrë Bashkinë e Tiranës.
Në një intervistë për mediat, Veliaj deklaroi se Ilir Meta nuk e ka guximin që të kandidojë përballë tij. Megjithatë shtoi se nëse presidenti në ikje mendon se mund të garojë përballë tij, atëherë ai do të ishte i lumtur që të përballej me të.
“Nuk besoj se ia mban, por nëse ia mban, do të ishte një betejë shumë e mirëpritur. E mirëpres,”- theksoi Veliaj.
