Ceremonia e hapjes së Eurovision Song Contest u mbajt më 8 maj. Të gjithë përfaqësuesit e vendeve pjesëmarrëse parakaluan në Reggia di Venaria Reale, përgjatë tapetit Turquoise.
Mediat italiane kanë shkruar për yjet që pikasën me paraqitjet e tyre. Në listën e yjeve të veshur më mirë nuk mungoi as Ronela Hajati, e cila na përfaqëson me këngën “Sekret”.
Mahmood dhe Blanco, Italia
Fituesit e Sanremo, Mahmood dhe Blanco kishin një pamje mahnitëse për këtë rast. Mahmood eci në tapet me një xhaketë të zezë me gjoks të zbuluar dhe pantallona të gjera rozë. Ndërsa Blanco kishte një look total black të përbërë nga një xhaketë lëkure e zezë, poshtë së cilës kishte një bluzë transparente dhe një palë pantallona të së njëjtës ngjyrë.
Achille Lauro, San Marino
Këngëtari Achille Lauro, i cili do të përfaqësojë San Marinon kishte zgjedhur një veshje shumë elegante. Këngëtari zgjodhi një kostum të zi të kombinuar me një këmishë të bardhë të hapur dhe pa kravatë. Si gjithmonë, gjithçka plotësohej nga grimi i paimitueshëm i syve.
Amanda Georgiadis Tenfjord, Greqia
Këngëtarja që do të përfaqësojë Greqinë ka zgjedhur një fustan total rozë, ngjyrën e sezonit.
Subwoolfers, Norvegjia
Subwoolfer zgjodhën një kostum tërësisht blu. Nuk mund të mungonin maskat e tyre të verdha dhe syzet e diellit.
Rosa Linn, Armenia
Këngëtarja armene, Rosa Linn, kishte veshur një kostum kadife për tapetin, duke e kompletuar veshjen me çizme luftarake.
REDDI, Danimarka
Banda daneze, REDDI, zgjodhi një stil të viteve ’70 , të veshur me kostume shumëngjyrëshe dhe pantallona të ndezura.
Ronela Hajati, Shqipëria
Këngëtarja shqiptare, Ronela Hajati, i ka mahnitur të gjithë duke veshur një fustan spektakolar që të kujton një kostum tradicional shumëngjyrësh. Kapela katrore kompleton look-un e jashtëzakonshëm.
Emma Muscat, Malta
Këngëtarja malteze, Emma Muscat ka veshur një veshje totalisht të bardhë të përbërë nga crop top dhe fund për këtë event.
Chanel, Spanja
