Të tjera detaje janë zbardhur lidhur me gjendjen shëndetësore të çiftit të bashkëshortëve dhe fëmijës që u përplas nga makina ditën e djeshem në rrugën e Kavajës në Tiranë.
Sipas “News24”, gjendja aktuale shëndetësore e Vilma dhe Arjan Konomit, është e stabilizuar. Çifti ndodhen në një dhomë ne spital dhe kanë dalë nga reanimacioni, ndërkohë që pritet t’iu bashkohet edhe vajza e tyre e vogël, e cila fatmirësisht nuk pati lëndimeve, veç një gërvishtje të lehtë te syri.
Sipas mjekëve burrë e grua janë jashtë rrezikut për jetën. Ndërkohë, foshnja doli sot nga spitali, ndërsa nuk ka nevojë për trajtim mjekësor, por është vendosur që të jetë në një dhomë me prindërit e saj. Mësohet se 43-vjeçarja Vilma Konomi është koshiente dhe ka reaguar, por ka disa thyerje në trup. Ndërsa 48-vjeçari Arjan Konomi ka 5 brinjë dhe legenin të thyer.
Çifti dhe fëmija e tyre u përplas nga një makinë luksoze Mercedes-Benz G Class që drejtohej nga 39-vjeçari Ajas Sulejmani, teksa ishin duke kaluar te vijat e bardha.
39-vjeçari i droguar në momentin që drejtonte makinën është larguar nga me shpejtësi nga vendi i ngjarjes. Ndërkohë, edhe pse aksidenti ndodhi në qendër të Tiranës, policia nuk arriti ta arrestojë për disa orë Sulejmanin. Pas rreth tre orësh arrati, policia arrestoi 39-vjeçarin në ambientet e një spitali privat.
