Eksperti i ekonomisë Igli Tola tha në emisionin ‘Ekonomi Plus’ në Syri Tv se çmimi i banesave në Shqipëri kanë qenë në rritje kohët e fundit jashtë çdo logjike ekonomike.
Sipas tij çmimin e banesave e rrit pastrimi i parave ndërsa paralajmëroi se skandali do shpërthejë së shpejti.
“Rritet çdo vit. Ka një ofertë të tejskajshme. Çmimet rriten, jo me përqindje, por disa fish. Dy apo trefishim në vitet e fundit. Në tërësi në zonat urbane janë disafishuar.
Nuk është viti i fundit që patën një boom. Jemi një ekonomi e vogël por kemi shembull të mirë në rajon Maqedoninë e Veriut.
Kemi një boom oferte, por kur të dalë në treg, përveç stokut 30 apo 50 mijë apartamente pa shitur, kemi bregdetin më katastrofë.
Rreziku është që Tirana të kthehet në një qytet fantazëm. Pastrimi i parave nuk bëhet në momentin final. Sot kemi kompani që janë në aktivitet që kanë zero kapital.
Po bëjnë ndërtime paralelisht në Tiranë. Mënyra si pastrohen më së shumti flukset monetare.”-tha Tola.
