Analisti Fatos Lubonja e cilësoi Kryeministrin Edi Rama si Putinin e Shqipërisë. Në debat me ish-kryeministrin Sali Berisha në emisionin “Open”, Lubonja tha se përballë narko-shtetit, jo ju, por edhe Jezu Krishti të vijë në tokë dhe të krijojë njv parti, ky narkoshtet e eleminon brenda ditës.
“Edi Rama kontrollon sot të gjithë sistemin oligarkik. Nëse ju kur ishit në qeveri kishit disa oligarkë afër, dhe Edi Rama kishte disa të tjerë, sot Kryeministri kontrollon gjithë sistemin”, tha Lubonja. Ai shtoi se sot nuk ka kush t´a rrëzojë Edi Ramën, për shkak të sistemit që është krijuar.
Ai tha se përballë këtij narkoshteti është e pamundur të konkurohet, aq më tepër në kushtet ku ndodhet opozita sot.
“Unë kam një pozicion kontradiktor përballë Berishës. Unë e mbështes lëvizjen që lindi pas non-grata-s. Por kam qenë opozitar në periudha të ndryshme…E kërkoi bashkimin dhe mendoi që duhet bërë me votë, e mendoj që është me legjitim Berisha për tu bërë kryetar i asaj partie”, u shpreh Lubonja.
Analisti tha gjithashtu se përçarja e opozitës është projekt i nxitur nga kryeministri Edi Rama.
“Edi Rama këtë përçarje e ka stimuluar”, tha Lubonja.
