Një 39-vjeçar u shpall në kërkim nga policia e Kolonjës, pasi dyshohet për kultivim bimësh narkotike.
Policia ka referuar në Prokurori materialet me akuzën e kultivimit të narkotikëve për 39-vjeçarin, pasi në një parcelë në pronësi të tij, u gjetën 32 bidona plastikë të përshtatur si kubikë, në 4 prej të cilave ishin kultivuar fidanë kanabisi.
Njoftimi nga policia
Specialistët për Hetimin e Krimeve në Komisariatin e Policisë Kolonjë referuan materialet në Prokurori, për veprën “Kultivimi i bimëve narkotike”, në ngarkim të shtetasit B. A., 39 vjeç, banues në fshatin Taç, Kolonjë dhe po punojnë për kapjen e tij, pasi gjatë kontrollit të ushtruar nga shërbimet e Policisë, në fshatin Taç i Sipërm, në një parcelë në pronësi të tij, u gjetën 32 bidona plastikë të përshtatur si kubikë, në katër prej të cilëve ishin kultivuar fidanë të dyshuar narkotikë kanabis.
Materialet i kaluan Prokurorisë pranë Gjykatës së Shkallës së Parë Korçë.
