Avokati Altin Goxhaj, përmes një postimi në rrjetet sociale, shkruan se Ilvi Meta humbi jetën në qelitë e Komisariatit të Kavajës për shkak të dhunës policore.
Goxhaj shprehet se i riu nuk u vetëvra, por e vranë duke e torturuar që të pranonte fajin që nuk e kishte bërë.
“Nesër do të ndezim qirinj për homazh në 19:00 para Ministrisë së Brendshme!
Mbani mend si thanë për Klodjan Rashën pasi e ekzekutuan? “Kishte armë, polici e qëlloi për vetëmbrojtje, ishte me preçedent penalë, ishte dënuar për pengmarrje””, shkruan Goxhaj.
Postimi nga Altin Goxhaj
NUK U VETËVRA POR E VRANË DUKE E TORTURUAR QË TË PRANONTE FAJIN QË NUK E KISHTE BËRË!
Nesër do të ndezim qirinj për homazh në 19:00 para Ministrisë së Brendshme!
Mbani mend si thanë për Klodjan Rashën pasi e ekzekutuan? “Kishte armë, polici e qëlloi për vetëmbrojtje, ishte me preçedent penalë, ishte dënuar për pengmarrje”.
28 VJEÇARI ILVI META ËSHTË VRARË NGA POLICËT DUKE U TORTURUAR QË TË PRANONTE NJË VJEDHJE QË NUK E KISHTE BËRË!!!
Përse duhet të vriste veten një hajdut? E vrau ndërgjegja?
A besohet kjo polici që ka dhënë prova që të vret natën dhe të qan ditën, që të hedh në rrugë pistoletën për të fajësuar, që të shpik preçedent penal?
Sa veta po vrasin veten në burgje? Sa veta proçedohen për dhunë ndaj policisë pasi janë masakruar dhe gjakosur nga policia për të mos i lënë të kallzojnë policinë?
Unë isha në gjyq sot për protestuesit e Dhjetorit 2020 për Klodjan Rashën ku Nderim Kurti u masakrua dhe u gjakos nga policia duke i thyer edhe celularin dhe u mbajt 30 ditë në burg për të vetmin krim se kishte filmuar dhunën policore, dhe sot u pranua nga gjykata që unë të paraqes provën video 50 minutëshe ku ai është live duke filmuar derisa e sulmojnë dhe dhunojnë policët mgjths nuk po bënte asgjë (e filmuar nga fillimi deri në fund). E akuzojnë për 4 vepra penale pa asnjë provë!
Kjo nuk është Polici por organizatë kriminale mafioze xhelatësh militantë me uniformë!
Nesër unë ju ftoj të ndezim qirinj dhe të bëjmë homazhe para Ministrisë së Brendshme në orën 19:00 aty ku ndezëm qirinjtë për Klodjan Rashën!
Unë do të jem aty edhe për të mbrojtur fëmijën apo vëllain tënd që nesër të mos ketë ai radhën “të vetë/vritet” nga dhuna dhe torturat policore!
