Pamjet e mëposhtme tregojnë momentet e përplasjes së efektivëve të policisë me banorët e Rinasit. Banorët u ulën në mes të rrugës duke bllokuar qarkullimin e mjeteve dhe për pasojë ndërhyri policia për zhbllokimin e rrugës.
Mes banorëve dhe efektivëve të uniformave blu pati konfrontim fizik. Sikurse duket në video gjatë tensioneve një protestues ka mbetur i lënduar. Ai shfaqet duke mbajtur dorën ne kokë ndërsa banorët i hedhin ujë.
Për të rikthyer qarkullimin ndërhynë edhe Forcat e Ndërhyrjes së Shpejtë.
“ Erdhëm për paqe nuk erdhëm të kapemi me ju. Ikni ore te shtëpia juaj, kapni kriminelët, shkoni në Ukrainë atje, ndihmoni Ukrainën. Me ne bëni trimin ju? Është turp o burrë”, tha një qytetar.
Aktualisht është bërë e mundur qarkullimi i mjeteve në një korsi.
