Armand Shkullaku ka folur për sfidat e Partisë Demokratike, në mënyrë që të kthehet në forcë politike që përfaqëson interesin publik dhe mund të përmbysë regjimin e Edi Ramës.
I ftuar në emisionin “Të Paekspozuarit” në MCN TV, Shkullaku tha se opozita ka qenë e kompromentuar dhe ka humbur besueshmërinë, ndaj sot nuk ka nevojë për shpike si “trampizmi dhe konservatorizmi”, por mjafton të bëjë opozitë të vërtetë pa kompromis.
“Vetëm një gjë i shpëton. Unë kam mbështetur Rithemelimin, sepse e vetmja gjë që mund të shpëtojë edhe vendin edhe opozitën, mund ta shpëtojë vetëm opozita e vërtetë. Nëse opozita është e vërtetë, nuk ka nevojë as për kosevatorizëm, as trampizëm, as për ideologji majtas apo djathtas, por ka nëvojë për opozitë të vërtetë. Kemi vuajtur që opozitën se ka besuar njeri.
Ka patur gjithmonë hijen e dyshimit, që opozita ka shërbyer si fasadë e regjimit. Ka bërë edhe kompromise me regjimin. Nuk ka qenë problemi djegia e mandateve dhe bojkoti i zgjedhjeve, por fakti që këto kanë qenë fallco. Thanë nuk hyjmë në zgjedhje me Ramën, pastaj hynë në qeveri, morën OSHE dhe drejtori. Kuptuam që këtu nuk ka qenë çështja e ideve dhe parimeve, por ishte halli që të hynin në qeveri. Kishim rastin e dytë, që u tha nuk do të lejojmë zgjedhje pa opozitën, pastaj u mbajtën zgjedhje.
Pra opozita ka humbur besueshmërinë. Kjo është sfida e opozitës. Kjo arrihet shumë thjesht, mjafton të marrësh në konsideratë interesin e elektoratin dhe të mos bësh kompromise”, tha ndër të tjera Shkullaku në TPZ.
