Neritan Sejamini thotë se Partia Demokratike, pavarësisht lëvizjes së Berishës në muajt e fundit, është një parti që nuk frymëzon, nuk ka ide dhe nuk ka një ekip të ri për të ardhmen.
I ftuar në emisionin “Të Paekspozuarit” në MCN TV, Sejamini tha se kjo parti nuk ka nevojë për celula, por ka nevojë për ide.
“PD sot nuk frymëzon, nuk tërheq. Fjalimet atje në Kuvend, janë ofenduese. Partia nuk organizohet me metoda sovjetike. Partia organizohet me ide dhe vizion. Nëse PD do të ketë ide, do ti shkojnë shqiptarët nga mbrapa pa patur nevojë për celula.
Edhe kjo puna e bashkimit. Këta u zunë, u ndanë, u shpallën armiq, tani dy muaj më mbrapa do ti mbushun mendjen armiqëve që të bashkohen? Kjo parti ka nevojë për parime dhe integritet.
Edhe sherri në baze duhet të mbyllej sa më parë. Por, prap kthehem te kjo, të gjithë proceset që bëhen, bëhen për publikun. Pas këtij procesi, kjo parti që ka dalë pjesërisht, gjithë kjo parti nuk do të ketë asgjë të re. Kryesia do të dalë nga Këshilli Kombëtar. Pra gjithë udhëheqja e re e partisë është te lista e Këshillit Kombëtar. Ne jemi të sigurtë se kush është udhëheqja e re e PD, njëlloj si viti 2013. Kjo parti ka humbur shansin të frymëzojë dhe të krijojë idenë që diçka do të ndryshojë.
Kjo parti duhet të tregojë që është ndryshe. Ishte gjithçka sipërfaqësore. Nuk u tha asgjë për korrupsionin.
PD duhet të jepte premtimin se do të vijnë njerëz të ndershëm, jo të korruptuar, që nuk e kanë barrën e së shkuarës”, tha ndër të tjera Sejamini në TPZ.
