Gjyqi i shpifjes mes aktorit amerikan Johnny Depp dhe ish-gruas Amber Heard u kthye në komedi, kur avokati i ish-gruas pyeti bodyguard-in e yllit të ‘Piratët e Karaibeve’ nëse “kishte parë ndonjëherë penisin e aktorit”.
Në dëshminë e tij me lidhje direkte, bodyguard-i Malcolm Connolly u pyet nëse ishte e vërtetë se Depp kishte urinuar në vatrën e zjarrit të shtëpisë së çiftit në Australi gjatë një sherri në vitin 2015.
Connolly shkaktoi histeri në sallën e gjyqit kur u përgjigj: “Do ta kisha mbajtur mend nëse kisha parë penisin e zotit Depp.”
Connolly u pyet më pas nëse Depp e Heard shkonin mirë në fillim të lidhjes së tyre dhe roja trupore skoceze pohoi duke thënë se dyshja ishin si “dy adoleshentë të dashuruar”. Por ai shtoi se gjërat nisën të shkonin keq kur Heard kërkonte të “ishte ajo që mbante pantallonat” në marrëdhënien e tyre.
