Deputeti demokrat Tritan Shehu deklaroi në Kuvendin e PD se kjo forcë politike nesër do të qeverisë vendin dhe do të shtyjë Shqipërinë drejt integrimit europian.
Ai tha se vendit i duhet një PD e fortë dhe perëndimore, një PD për t’u kundërvënë projekteve të kobshme për rajonin.
“PD u rikthye, opozita po ngrihet, por ne kemi akoma shumë për të bërë.Ndaj u mblodhëm këtu sot, si një forcë politke e mbrotjes së interesave kombëtare. Rama i ka shkelur interesat dhe aspirata tona perëndimore. Kërkohet të na largojnë nga rruga jonë e integtimit. Sot në këtë kohë gjërat bëhen edhe më serioze. Pas agresionit të Putinit në Ukrainë, rreziku bëhet më i qartë. Rama i ka kaluar rolin e Serbisë në rajon, gjërat janë keqësuar. Shqipëria sot është në udhëkryq, duhet shpëtuar. Sot vendit i duhet një PD e fortë dhe perëndimore, një PD për t’u kundërvënë projekteve të kobshme për rajonin. Ne iu kundërvumë projekteve që kërkonin të na largonin nga integrimi. Ne kemi pas një rol real në ndeshjen me këto aspirata, roli jonë është shumë i fuqishëm për shtyrë Shqipërinë drejt rrugës europiane. Nesër në qeveri sërish do të luajmë rolin tonë në rajon.Neser në qeverisje ne do të jemi lokomotiva e shtyrjes së Shqipërisë drejt integrimit europian. Ne këtë do ta bëjmë me liderin tonë Sali Berisha”, tha Shehu.
