Manchester City ka mundur 4-0 Leeds-in në javën e 35-të të kampionatit anglez dhe është kthyer të kryesojë renditjen me një pikë avantazh ndaj Liverpool-it.
13 minuta kanë mjaftuar për lojtarët e Pep Guardiola që të gjenin golin e avantazhit në Elland Road. Rodri ka tundur rrjetën me një goditje me kokë pas një korsimi perfekt të Foden.
Goli i dytë i Qytetatëve ka ardhur në minutën e 54-t të pjesës së dytë dhe është realizuar nga Ake, i cili ka dërguar topin me lehtësi në rrjetë pas asistit të marrë nga Dias.
Në minutën e 78-të ka ardhur edhe goli i sigurisë për skuadrën e Pep Guardiola. Gabriel Jesus ka marrë një pasim “no look” nga Phil Foden dhe ka mposhtur pa probleme portierin Meslier. Fernandinho ka fiksuar shifrat në 4-0 me një gol të shënuar në minutën e 93-të.
Citizens kanë hedhur një tjetër hap të rëndësishme drejt titullit në Premier, por kanë marrë edhe një rezultat që do t’i bëjë mirë moralit të lojtarëve para gjysmëfinales së Champions League kundër Real Madrid.
Manchester City ka fituar 4-3 në ndeshjen e parë të luajtur në Etihad Stadium dhe të kërkojë ta mbrojë këtë avantazh të mërkurën në mbrëmje në Bernabeu për të siguruar finalen e madhe.
