Delegatët e Kuvendit Kombëtar të PD votuan sot për 150 anëtarët e rinj të Këshillit Kombëtar, ndërsa në garë ishin 420 kandidatë.
Procesi i votimit ka përfunduar në orën 18:00, ndërsa ish-Kryeministri Sali Berisha u shpreh se procesi i numërimit do të ishte transparent dhe çdo votë do të tregohej para kamerave.
Ndërkohë, Komisioni Qendror i Numërimit të Kuvendit Kombëtar të PD njofton që për shkak se procesi i votimit sapo ka përfunduar, dhe një pjesë e komisionerëve në Komisionet e numërimit kanë agjeruar e kanë iftar, procesi i numërimit fillon në orën 20.30.
“Ftojmë mediat dhe cdo kandidat të interesuar të ndjekin në hollin e katit të dytë të PD procesin e numërimit”, thuhet në njoftimin zyrtar.
