Ministrja e Energjitikës, Belinda Balluku u shpreh sot, se Qeveria Rama preferon më mirë të ulë nivelin e kaskadës sesa të blejë më çmim të lartë.
Nga foltorja e Kuvendit, Balluku u ndal edhe tek Fierza, pasi u shpreh se në këtë kaskadë po kursehet niveli i ujit në mënyrë që të përballohet thatësira e verës.
Për sa i përket fashos së çmimit, Balluku tha se qeveria është duke analizuar pasi ka pasur një kërkesë nga qytetarët për diferencim për nevoja familjare dhe për ato që i kalojnë nevojat bazike.
“Kemi një synim. Qeveria Rama ka një synim të ofroj shërbim të pandërprerë. Të kenë energji gjatë të gjithë krizës. Kemi synim të mos prekim çmimin për familjarët dhe biznesin e vogël. Po punojmë se si të ruhet çmimi deri në 700 kilovat. Ndërsa pas kësaj fashe të kemi një çmim tjetër. Kjo ka qenë e gjitha. Do ulemi me mbi 7 mijë biznese me tensionin e mesëm”, tha ajo.
