Në parlament ka pasur debate mes kryeministrit Rama dhe deputetëve të PD-së.
Rama fyeu deputetët demokratë, duke iu thënë se budallalëku është sëmundje ngjitëse.
Ndërsa, deputeti Edmond Spaho i tha se është i çmendur me kartelë.
“Kjo është një temë interesante për të rikthyer në sytë e publikut dallimin si nata me ditën mes jush që s’dini cfarë flisni dhe nesh që dimë cfarë bëjmë. Dhe dua të kujtoj si fillim që sot e gjithë ditën ka një subjekt fizik për Butrintin si pronë familjare me pronën të njohur nga ju, i keni njohur pronën në teatrin antik një subjekti fizik, keni pranuar se në Shqipëri sot jeton stër stër stër nipi i cili në pronën e tyre ndërtoi dhe këta jeni ju. Budalliku në familjen tuaj është ngjitëse.
E keni në ADN e partisë tuaj që të trashëgoni budallikun brez pas brezi dhe ta vazhdoni të gjithë mbi të marrjen e njerëzve për budallenj dhe prandaj jeni katandisur kështu dhe do të katandiseni më keq. Ndahuni me pjesë sa të doni, ju jeni si ajo pjesa e ndarë në 4-5 pjesë , jeni njësoj dhe vini flisni këtu për vlerat e trashëgimisë kulturore, ju që jeni kërcënimi më i madh i shoqërisë tonë, ju që jeni shembulli më i keq dhe kërkon ta ktheni Shqipërinë në kohën kur luftonit me Amerikën”, u shpreh Rama.
Debatii Ramës me Spahon:
Rama: Profesor mos bërtit! Kot nuk ta përmenda emrin se dua që të vish këtu, nuk e prisja që të merrje flamurin e luftës me Amerikën. Degradimi juaj është se budalliku është sëmundje ngjitëse, është vetëm çështje kohe budalliku juaj. Profesor pres që të vish të bësh replikë, është sëmundje ngjitëse dhe është kaq evidente dhe kur përplaseni me njëri tjetrin jeni njësoj.
Spaho: Jeni me kartelë të çmendurish!
Rama: Edhe këtë të kartelës e kam dëgjuar me kohë, përdorni të njëjta argumenta dhe të njëta fjalë thoni.
